സഖേ !!!!!!

ഒരു വിപ്ലവത്തിന്റെയും ഭാഗമല്ല നീ .... 
ഒരു പ്രണയത്തിന്റെയും ഭാഗഭാക്കുമല്ല ... 
ജന്മാന്തരങ്ങളുടെ ബന്ധം നമുക്കിടയിൽ 
സംഭവിച്ച് പോയതാണ് .... 

കഴിഞ്ഞ ജന്മത്തിൽ ഞാനൊരു 
പുഴയായിരുന്നിരിക്കണം .... 
എന്നിൽ കുഞ്ഞോളങ്ങൾ തീർത്ത് മതിവരുന്നതിനും 

മുൻപേ പറന്ന് പോയ കാറ്റാണ് നീ ...

എന്റെ മരുഭൂമിയിലേക്ക് പെയ്യാൻ വെമ്പി ...
ഒരു കൊടുങ്കാറ്റിൽ തെന്നിപോയ
മേഘമായിരിക്കണം നീ ....

ഞാനൊരു തോക്കും
നീ എന്നിലെ വെടിയുണ്ടകളുമായിരുന്നത്രേ ....
നമ്മളിരുവരും ആഗ്രഹിക്കാതെ
ഒരു തിന്മയിലേക്ക്
എന്നിൽ നിന്നും നിന്നെ
പറിച്ചെറിയുകയായിരുന്നിരിക്കണം ....

കഴിഞ്ഞ ജന്മത്തിൽ
ഞാനൊരു മരം മാത്രമായിരുന്നു ...
എന്നിൽ കൂടു വച്ച
ഒരു അടയ്ക്കാക്കുരുവി
മാത്രമാണ് നീ ...

എത്ര അകലേക്കെറിഞ്ഞാലും
നിന്നിലേക്ക് തിരിച്ചെത്താതിരിക്കാൻ കഴിയാത്ത
വെറുമൊരു ബൂമറാങ്ങാകണമെനിക്ക് ...
ജന്മാന്തരങ്ങളുടെ ബന്ധം നമുക്കിടയിൽ
സംഭവിച്ച് പോയതാണ് .... സംഭവിക്കേണ്ടതും

....