നമുക്ക് സ്നേഹിക്കേണ്ടിയിരിക്കുന്നു ...

ഞാൻ നിന്നെയും 
നീ എന്നെയും 
വല്ലാതെ സ്നേഹിക്കുന്ന ഒരു കാലത്ത് ...
നമ്മുടെ ഹൃദയങ്ങളിൽ നിന്നൊരു 
വജ്രം രൂപം കൊള്ളും ... 
ലോകത്തിലെ എല്ലാ നിറങ്ങളും 
ചേർന്നൊരു മഴവില്ലുണ്ടാകും .... 
ആയിരം പുഴകൾ ചേർന്ന് 

ഒരു കടലുണ്ടാകും ...
ഒരിക്കലും തിരയൊടുങ്ങാത്തത് ...
പുഴകൾക്ക് ചുറ്റും മരങ്ങൾ
പെയ്തു കൊണ്ടെയിരിക്കും ...
മരുഭൂമിയിലെ വേഴാമ്പലുകൾ
ഒരു പേമാരിയിൽ നനഞ്ഞ് കുതിരും ...
നീ സമ്മാനിച്ച പുല്ലാങ്കുഴലിൽ നിന്ന്
ഞാനൊരു ഗാനമാലപിക്കും ...
ഒരു ലോകം മുഴുവൻ ആടിത്തിമിർക്കുന്ന
ആ സംഗീതത്തിനായി ...
പ്രിയേ ഒരിക്കലും പറയാതെ എങ്കിലും
ഒരിക്കലും അറിയാതെ എങ്കിലും
നമുക്ക് സ്നേഹിക്കേണ്ടിയിരിക്കുന്നു ...