ഒറ്റവരിബെഞ്ചിലെ ചായയിൽ നിന്ന്
ദിവാൻ കോട്ടിലെ പാൽ, വെള്ളം, ചായല,
പഞ്ചസാര എന്ന വിശാലതയിലേക്കാൺ
എന്റെ ഗ്രാമം ചങ്ങലയ്ക്കിടപ്പെട്ടത് ....
വരാൽ പാറ്റിയ കായലിൽ നിന്ന്
ക്ലോറിൻ വെള്ളത്തിലെ
സ്വിമ്മിംഗ് പൂളിലേക്കുള്ള നീന്തലിലാൺ
പാടങ്ങൾ മുങ്ങി മരിച്ചടക്കം ചെയ്യപ്പെട്ടത് .....
പൊട്ടി വീണൊരു മേഘശകലത്തിൽ നിന്ന്
മനുഷ്യനിർമ്മിതമായ ഹിമക്കാടുകളിലേക്കാൺ
മഞ്ഞ് പെയ്തിറങ്ങി ഉരുകിയൊലിച്ചത് ....
ഒട്ടും വിശാലമല്ലാത്ത വസ്ത്രങ്ങളുടെ
വിശാലമായ മേനിക്കൊഴുപ്പുകളിലാൺ
നഗരം സംസ്ക്കാരത്തെ വെടിവച്ചിട്ടത് .......
No comments:
Post a Comment