അറ്റാക്ക് വന്ന് മരിച്ച
നോവ് ഷേര്ഖാന് പഠാന്റെ
മീസാന് കല്ല് മാടി വിളിക്കുന്നു ....
ഓടിയരികെ എത്തും മുന്പേ
ഒന്നും പുറത്ത് പറയിക്കാത്ത
മരുഭൂമി
ചവച്ച് തീര്ത്ത അവശിഷ്ടം
തേങ്ങിപ്പിടഞ്ഞ്
‘അ’
എന്നൊരക്ഷരം തന്ന്
ചത്ത് വീണു !!!
‘അ’ യില് കവിത തിരഞ്ഞ് ഞാന്
‘അ’
മൂന്ന് വര്ഷം മുന്പ് മരിച്ച് പോയ
അമ്മീജാനിന്റെ വാത്സല്ല്യമാക വയ്യ!!!!
‘അ’
ഒരിക്കലും നേരില് കണ്ടിട്ടില്ലാത്ത
അമീര് ഷേര്ഖാന്റെ കളിക്കൊഞ്ചലാക
‘അ’സാദ്ധ്യം .....
‘അ’
അര്ബ്ബാബെന്ന പേടിസ്വപ്നമോ ??
മരണത്തിനപ്പുറം സ്വപ്നമോ ?
പേടിയോ ?,
‘അ’സംഭവ്യം എന്ന അറിവ്
വേവിച്ചെന്നെ ഇല്ലാതാക്കുന്നു!!!
‘അ’ യുടെ കവിത തേടി,
ഖാന്റെ നാട്, വീട്, സംസ്ക്കാരം
കവിതയ്ക്ക് വേണ്ടി എന്റെ
അന്വേഷണങ്ങള്....
ഹൃദയം കൊളുത്തി വലിക്കുന്ന
വേദനയ്ക്കപ്പുറം ....
“അസ്സലാമു അലൈക്കും” സര്
എന്ന് ‘അ’ യുടെ (യിലെ) കവിത
മരിച്ചിട്ടും മരിക്കാത്ത
മുസല്മ്മാന്റെ വിശ്വാസം ......
No comments:
Post a Comment