ആകാശം
ഒരു കീറാകാശം
കൊതിച്ചിട്ടാണ്
തള്ളയുടെ
ചിറകിനടിയില് നിന്ന്
പ്രാപ്പിടിയന്റെ
കാലിന്നിടയിലേക്ക്
വായു
അമേരിക്കന് മക്കളുടെ
പ്രാര്ത്ഥന തന്തപ്പിടിയുടെ
മൂക്കിലേക്ക്
വായു മിന്നല് പണിമുടക്കി
ജലം
മുങ്ങല് വിദഗ്ദനായിട്ടും
സ്വന്തം ചിതാഭസ്മം
ജലത്തില് ചേരുന്നത്
നോക്കി നിന്നവന്
പാവം
ഭൂമി
മൊബൈല് കാമറ
ഓണാണെന്നറിയാതെ
അവന് മുന്നില്
ഭൂമിയോളം താഴ്ന്നവള്
അഗ്നി
ഫ! നായിന്റെ മോനെ
ഇന്നലെ രാത്രി നിനക്ക്
വിരിക്കാത്ത പായ
ഐന്ധ്യാലി നാണി
പുണ്യാളത്തി ആയിട്ടല്ല !
പുലരുമ്പോളെക്കും നിന്റെ
അമ്മേടെ സദാചാരക്കമ്മിറ്റിയും
കൂട്ടി നീ വരുമെന്നറിഞ്ഞിട്ടും
ആദ്യം പായ വിരിപ്പിച്ച നിന്റെ
തന്തക്കും അതേ പാത്രത്തില് നിനക്കും
ഉണ്ണാന് തരാന്
ഐന്ധ്യാലി നാണിക്കിന്നും
ഒറ്റ തന്തയേ ഉള്ളൂ
തെരു വേശ്യക്കണ്ണിലെ അഗ്നി
പഞ്ചഭൂതങ്ങളില് ഏറ്റവും ശ്രേഷ്ഠം അഗ്നിയത്രേ ..
No comments:
Post a Comment