എന്റെ പ്രണയം ഒരു വൃത്തമാണ് ...എന്റെ എന്നെ പൂര്ണ്ണമായുള്ക്കൊള്ളുന്നത്..
ഇവിടെ നിന്നെന്റെ കാമത്തിന് മാത്രമായി....രക്ഷപ്പെടാന് കഴിയുകയില്ല...രക്ഷപ്പെടല് ഞാനെന്ന വൃത്തം മുഴുവനായി തന്നെയായിരിക്കും ... നിന്നോടുള്ള പ്രണയം എന്നെ കാമാതുരനാക്കിയിരിക്കാം .... കപടസദാചാരത്തിന്റെ മേനി പറഞ്ഞെന്നെ പൊട്ടിക്കാന് ശ്രമിക്കരുത് ... നീ തോറ്റ് പോകും ... നിന്നോട് മാത്രമാണ് ഞാന് എല്ലാം മറന്ന് ഞാനാകുന്നതെന്നെന്തേ അറിയാഞ്ഞൂ ....
എന്റെ പ്രണയം ഒഴുകി നടക്കുന്ന ഒരു തേനോളമാണ് ... നീ എന്ന പാത്രത്തില് എന്നെ കോരി നിറയ്ക്കുക .... നീയെന്ന പാത്രത്തിലേ നിറയാന് ഞാന് നിന്ന് തരികയുള്ളൂ എന്നുമോര്ക്കുക ... എന്റെ പ്രണയം നിറഞ്ഞ് തുളുമ്പാന് തുടങ്ങുമ്പോള് നിന്റെ ആഴം ഇനിയും കൂടേണ്ടതായിട്ടുമുണ്ട് ... തുളുമ്പി പോയെങ്കില് അതെന്റെ കുറ്റമാകുന്നതെങ്ങിനെ സഖീ ...
നിന്റെ മിഴിനീരുകള് എന്നെ ചുട്ടുപൊള്ളിക്കുന്നതിന്റെ അര്ത്ഥം എനിക്ക് നിന്നോട് പ്രണയമെന്ന് തന്നെയാണ് ... എന്നിട്ടുമെന്തേ സഖീ ഒരിക്കല് പോലുമൊരു മഴയായെന്നില് പെയ്യാതിരുന്നു ...
No comments:
Post a Comment