ജീവിതത്തിലെഴുതാന് തുടങ്ങിയ
പ്രണയമഹാകാവ്യത്തിന്
ഒറ്റവരിയില് പൂര്ണ്ണവിരാമം....
പാടാന് തുടങ്ങിയ മനുഷ്യസ്നേഹത്തിന്റെ
കല്ല്യാണി രാഗം ആരോഹണത്തില്
അവസാനം...
കൈകളുയര്ത്തി ആഞ്ഞ് വിളിക്കാനാഞ്ഞ
വിപ്ലവവാക്യങ്ങള് പാതികണ്ഠത്തില്
നിര്ത്തി ....
ഭൂമിയുടെ പച്ച നിറമുള്ള റിയാലിറ്റി ഷോയുടെ
ആദ്യ എപ്പിസോഡിനിടയിലെ കൊമേര്ഷ്യല്
ബ്രേക്ക് ...
ഒരു സാഗരം നിറച്ച് വന്ന്
ഒരു തുള്ളി മാത്രം പെയ്ത്
പറന്ന് പോകുന്ന മേഘം ...
ഈ രാവുറക്കത്തില് നിന്ന് ഉണരാതിരിക്കുന്നത്
ഒര്മ്മയുടെ ഇന്നലെകളിലേക്കും ...
നാളെയുടെ ഭാവനകളിലേക്കും മാത്രം ...
No comments:
Post a Comment